COLECCIÓN DE EPIGRAMAS DE MARCIAL

Esta colección de Epigramas de Marcial recoge los Epigramas que mandaron los seguidores de Latín y Roma en instagram como sus epigramas favoritos. 

 A continuación están recogidos los textos latinos de estos epigramas.

• Marcial, Epigramas, I, 61. 

Verona docti syllabas amat uatis,
Marone felix Mantua est,
censetur Aponi Liuio suo tellus
Stellaque nec Flacco minus,
Apollodoro plaudit imbrifer Nilus, 5
Nasone Paeligni sonant,
duosque Senecas unicumque Lucanum
facunda loquitur Corduba,
gaudent iocosae Canio suo Gades,
Emerita Deciano meo: 10
te, Liciniane, gloriabitur nostra
nec me tacebit Bilbilis. 

• Marcial, Epigramas, I, 64.

Bella es, nouimus, et puella, uerum est,
et diues, quis enim potest negare?
Sed cum te nimium, Fabulla, laudas,
nec diues neque bella nec puella es.

• Marcial, Epigramas, II, 38.

Quid mihi reddat ager quaeris, Line, Nomentanus?
       Hoc mihi reddit ager: te, Line, non uideo.

• Marcial, Epigramas, IV, 44.

Hic est pampineis uiridis modo Vesbius umbris,
     presserat hic madidos nobilis uua lacus:
haec iuga quam Nysae colles plus Bacchus amauit;
     hoc nuper Satyri monte dedere choros;
haec Veneris sedes, Lacedaemone gratior illi; 5
      hic locus Herculeo nomine clarus erat.
Cuncta iacent flammis et tristi mersa fauilla:
     nec superi uellent hoc licuisse sibi. 

• Marcial, Epigramas, V, 43.

Thais habet nigros, niueos Laecania dentes.
     Quae ratio est? Emptos haec habet, illa suos.